Presidenti i Kilit Sebastian Pinera ka shkarkuar të gjithë kabinetin e tij në mënyrë që të formojë një qeveri të re, e cila do të përfshijë reformat sociale të kërkuara nga protestuesit. Të paktën 19 persona kanë humbur jetën e qindra të tjerë janë plagosur gjatë një jave protestash, që e morën shtysën nga rritja e çmimit të biletës së metrosë.
“Tashmë jemi në një realitet të ri. Kili është ndryshe nga çfarë ishte një javë më parë”, ka deklaruar Pinera.
