Kreu i grupit parlamentar të Partisë Socialiste, Taulant Balla është i pari që ka reaguar pas protestës të mbajtur sot para Kryeministrisë.
Deputeti socialist ka publikuar dy foto të Agim Kacës, që foli sot në protestë, ndërsa shkruan se e ka nxjerrë edhe njëherë në një takim elektoral në Dibër, ndërsa shton se nuk ka qenë asnjëherë anëtar i PS-së.
Më pas, Balla e ka ironizuar Bashën, teksa citon deklaratën e Topallit, që Basha të gënjen edhe kur e pyet sa është ora.
“Lulzim, e bëre zbor këtë gjoja “socialistin”. E nxorre edhe para dy vitesh në një takim elektoral në Dibër. Nuk ka qenë asnjëherë anëtar i Partisë Socialiste ky. Siç ka thënë me të drejtë Jozefina Topalli: “Luli t’rren edhe kur e pyt sa asht ora”. Edhe sot gënjeu”, shkruan Balla.
