Pas protestës së opozitës në Gjirokastër, policia ka shoqëruar në komisariat kryetarin e Partisë Demokratike të Tepelenës, Ladi Baka dhe 3 persona të tjerë nga Tepelena, për tubim të paligjshëm në protestën e pasdites së sotme.
Të shoqëruar janë Skënder Bega, Hysen Ismaili dhe Astrit Guga.
Ndërkohë, në komisariatin e Tepelenës kanë shkuar ish-deputeti Tritan Shehu dhe kryetari i degës së PD-së Gjirokastër Dasho Aliko (ish-kryetar i komunës së Lazaratit) duke kërkuar shpjegime.
Protestuesit e opozitës në Gjirokastër bllokuan kryqëzimin e rrugës Përmet-Tepelenë-Gjirokastër, duke iu bashkuar aksionit opozitar për bllokimin e 12 akseve rrugore në vend.
