Në pritje të protestës së nesërme të opozitës, e cila do të mbahet para parlamentit, Policia e Shtetit ka hartuar një plan masash për mbarëvajtjen e saj. Janë angazhuar rreth 1000 deri në 1200 forca policie, ndërsa shpërndarja e uniformave blu pritet të jetë e ngjashme me protestën e së shtunës.
Kështu, një kordon do të jetë i vendosur përballë protestuesve përgjatë gjithë rrethimit të Parlamentit, ku do të jenë punonjësit e rendit dhe ata Shqiponja, ndërsa forcat e FNSH do të jenë në gatishmëri në bulevardin “Zhan Dark” dhe brenda rrethimit të xhamisë së Namazgjasë.
Në rast se nga ana e protestuesve do të ketë tentativa për të hyrë në Parlament dhe për të bërë akte dhune, Garda e Republikës do të përdorë gaz lotsjellës. Për këtë arsye, nesër do të ketë kontroll të rreptë për këdo që do të futet në ambientet e brendshme të Parlamentit, ndërsa të gjithë duhet të jenë të pajisur me mjete identifikimi.
Po ashtu, Gardaka kërkuar që gazetarët dhe punonjësit të marrin masa për tu ruajtur nga gazi, duke përdorur maska kundragaz.
Në gatishmëri pranë ambienteve të Parlamentit do të jenë dhe zjarrfikëset dhe ambulancat. Kufizime për qarkullimin rrugor do të ketë tek “Xhorxh Bush” dhe pjesërisht në bulevardin “Zhan Dark”.
