Kryetarja e LSI-së Monika Kryemadhi përgjatë një interviste televizive bëri një deklaratë të rrallë për kryeministrin Edi Rama.
Kryemadhi theksoi se Rama nuk e ka problem të vrasë njerëz.
“10 njerëz apo dhe 10 mijë njerëz të pambrojtur, pa armë, pa ushtri, burra e gra, pensionistë nuk mund të përballen me Policinë e armatosur. Rama nuk e ka problem të vrasë njerëz. I vret dhe i harron. I çon në mish për top”, u shpreh ajo.
“Duhet një reagim qytetar ndaj identitetit tonë. Një popull asimilohet me dhunë, duke hequr trashëgiminë e vet. Është emergjente dhe urgjente. Mjafton të shohësh kurrikulat e arsimit po varfërohen. Çdo gjë që ka lidhje me të shkuarën shqiptare po venitet me elementë që nuk kanë jetëgjatësi. Është thirrje urgjente për këtë nismë të Ramës ndaj shkombëtarizimit shqiptar.
Ajo që unë dua të them është si Aleanca për Teatrin ashtu si çdo përfaqësues tjetër nuk kemi pasur për qëllim të kishim viktima, por të nxirrnim fytyrën e Ramës. Ajo do rindërtohet siç ka qenë, me të njëjtat projekte. E keni dëgjuar dje Ministren e Kulturës kur tha nuk është projekt, është ide- projekt.
Nuk ka projekt. Kodra e Diellit është një rezidencë ku banojnë më shumë socialistë se ne të opozitës. Aty do të rindërtohet në të njëjtin vend Teatri. Ai gjithmonë kështu i ka shembur gjithë veprat kulturore dhe kinematë e Shqipërisë”, vijoi Kryemadhi.
