Vjen edhe reagimi i kryetarit të PD-së, Lulzim Basha në lidhje me situatën e krijuar në Bashkinë e Devollit, e cila është e rrethuar nga forcat policore si pasojë e tubimeve që po ndodhin para godinës.
Përmes një statusi në Facebook, Basha shprehet se pushteti i paligjshëm i 6%-it po uzurpon me dhunë qeverisjen lokale, kundër vullnetit të popullit. Ai ironizon më tej, se hajdutët sot ndjehen të mbrojtur se ruhen nga policia, por që në fund ata do marrin atë çfarë meritojnë.
Statusi i plotë:
Pushteti i paligjshëm i 6% po uzurpon me dhunë qeverisjen lokale, kundër vullnetit të popullit. Ky regjim kriminal dhe plaçkitës po hyn në rrugën e verbër të përplasjes me popullin e tij. Sot hajdutët në pushtet ndjehen të mbrojtur se kanë polici speciale, gaz lotsjellës dhe mercenarë, por nesër do të kenë fatin që meritojnë hajdutët dhe banditët!
