Kryetari i Partisë Demokratike, Lulzim Basha vijon me mesazhet e tij në lidhje me protestën e 10-të kombëtare, të zhvilluar mbrëmjen e djeshme.
Në profilin e tij në Facebook, ai ka shpërndarë një video nga protesta duke e shoqëruar me thirrjet se shqiptarët duan një ndryshim të vërtetë, që do t’u japë fund krizave dhe traumave të tranzicionit.
Sipas Bashës, kjo realizohet vetëm nëpërmjet zgjedhjeve të lira e të ndershme, të cilat do t’i hapnin rrugën transformimit politik dhe ekonomik që ka nevojë Shqipëria.
Statusi i plotë:
Sot shqiptarët duan ndryshim të vërtetë, jo të përkohshëm, jo fals, jo fasadë, por ndryshim që do t’u japë fund krizave dhe traumave të tranzicionit.
Një ndryshim që do të na fusë në rrugën e sigurt drejt Bashkimit Evropian dhe vlerave perëndimore.
Zgjedhjet e lira e të ndershme do t’i hapin rrugën transformimit politik dhe ekonomik që ka nevojë Shqipëria, do ti hapin rrugë ndryshimit të vërtetë.
Ky ndryshim është tani, qëllimi ynë kryesor, përparësia ime absolute ndaj çdo shqiptari.
