Policia e Shtetit ka marrë të gjitha masat për ruajtjen e godinës së seancave plenare dhe për ruajtjen fizike të deputetëve që do hyjnë brenda në Kuvend, për të shmangur çdo lloj incidenti me protestuesit e opozitës.
Edhe në këtë seancë, deputetët do të hyjnë nga pedonalja, e cila do të jetë e gjitha e rrethuar me efektivë të Policisë së Shtetit dhe Gardës së Republikës, ndërsa dera që lidh selinë e Partisë Demokratike me sallën e Parlamentit do të vijojë të jetë e bllokuar edhe ditën e sotme.
Ndërkohë, godina e Parlamentit do të vijojë të jetë e rrethuar me kamera për të monitoruar mbarëvajtjen e protestës, por edhe për të vëzhguar e fiksuar të gjithë protestuesit që mund të shfaqin shenja dhune.
Mësohet se deputetëve të PS-së u është kërkuar të mbajnë fjalime gjatë seancës plenare dhe të mos kenë kontakte me protestën që zhvillohen jashtë Kuvendit.
