Deputetët demokratë kanë paraqitur ditën e sotme një rezolutë që përmban kërkesën për shkarkim të Presidentit të Shteteve të Bashkuara, Donald Trump.
Ata prezantuan një rezolutë duke i bërë thirrje Nënkryetarit Mike Pence të mblidhte kabinetin e Shtëpisë së Bardhë për të mbajtur një takim nëse do të shkarkohej Trump nga detyra nën ndryshimin e 25-të të Kushtetutës së SHBA.
Rezoluta akuzon presidentin në largim për “nxitje të një kryengritje”. Në artikullin e fajësimit thuhet: “Presidenti Trump ka rrezikuar seriozisht sigurinë e Shteteve të Bashkuara dhe institucioneve të tyre qeverisëse dhe ka kërcënuar integritetin e sistemit demokratik”.
Seanca e shkurtër u ndërpre në më pak se 15 minuta pas një kundërshtimi ndaj rezolutës nga një ligjvënës republikan nga Virxhinia Perëndimore, teksa bëhet e ditur se ajo do të fillojë sërish ditën e nesërme.
Trump do të largohet më datë 20 janar nga Shtëpia e Bardhë, ai gjithashtu ka thënë se nuk do të jetë i pranishëm gjatë ceremonisë së betimit të Joe Biden e cila do të mbahet në të njëjtën ditë.
