PD dhe lideri i saj Sali Berisha kanë thirrur një protestë kombëtare, që do të zhvillohet në Tiranë, më 7 korrik në orën 19:00. E quajtur si “Fronti i Shpëtimit Kombëtar”, Berisha ka kërkuar që të bashkohen të gjithë në protestë. Partia Demokratike e drejtuar nga Sali Berisha, ka njoftuar hapjen ndaj shoqërisë për përgatitjen për frymën popullore të protestës së 7 Korrikut, duke hapur selinë dhe foltoren e saj për shqiptarët.
Njoftimi i plotë
Partia Demokratike me idenë e hapjes ndaj shoqërisë, dhe në përgatitje për frymën popullore të protestës së 7 korrikut, do të hapë selinë dhe foltoren e saj për shqiptarët.
Për herë të parë, të rinj e të reja, burra e gra, profesionistë dhe fermerë, njerëz nga të gjitha fushat e shoqërisë, do të hyjnë në seli për të shpallur shqetësimet e tyre personalisht, dhe jo nëpërmjet përfaqësuesve politikë.
Partia Demokratike, në kontratën e re sociale me shoqërinë, fton të gjithë shqiptarët që duan të ngrenë zërin, të na bashkohen çdo ditë në foltoren e selisë dhe më 7 korrik në shesh. Serinë e daljeve e hap sot Artemisa Halili, nëna e një fëmije 6 vjeç, stomatologe. Lidhja live në ora 11 nga selia e PD-së.
