Kryetari i Partisë së Lirisë, Ilir Meta, ka shkuar në selinë e Partisë Demokratike, për të zhvilluar një takim me kreun e kësaj force politike, Sali Berisha. Fokusi i takimit mësohet se është protesta e 6 dhjetorit, e paralajmëruar nga vetë Berisha. Deri më tani, Meta nuk ka konfirmuar nëse do të marrë pjesë në protestë, mirëpo takimi i sotëm do zbulojë vendimin e tij.
Në datën 6 dhjetor, ditën kur në Tiranë do të vijnë liderët evropiane për të mbajtur samitin BE-Ballkani Perëndimor, opozita ka njoftuar një protestë.
Sipas saj, protesta nuk zhvillohet kundër BE-së, por kundër qeverisjes së Edi Ramës. Berisha ka deklaruar se protesta do të jetë për ti treguar Evropës se kjo qeveri është e korruptuar.
Përcaktimi i 6 dhjetorit si data në të cilën do të mbahet protesta e radhës e Partisë Demokratike, ka nxitur reagimin e mazhorancës, e cila e ka cilësuar një akt anti-europian.
