Opozita e bashkuar do të zhvillojë ditën e sotme protestën e 9 kombëtare me fillim në orën 20:00 në bulevardin ‘Dëshmorët e Kombit’ përballë Kryeministrisë. Do të jetë një protestë marshim që do të zgjasë deri në orën 24:00. Por policia nuk e ka miratuar kërkesën e opozitës për të zgjatur 4 orë protestën, por ka dhënë leje deri në orën 22:00.
Sakaq, nga ana tjetër Policia e Shtetit ka marrë masat për mbarëvajtjen. Mësohet se në terren do të jenë të angazhuar 1500 efektivë. Po ashtu në disa pika policia ka instaluar kamera shtesë.
Parlamenti dhe Kryeministri ashtu si në të gjithë protestat e tjera do të jenë të rrethuara me gardh metalik.
Kujtojmë se kryedemokrati Lulzim Basha mbrëmjen e djeshme bëri me dije se protesta e sotme do të jetë paqësore, madje ai do të jetë i shoqëruar nga bashkëshortja dhe dy vajzat e tij.
