Prokuroria pranë Gjykatës së Shkallës së Parë në Kukës, ka bërë kërkesë për shpalljen në kërkim ndërkombëtar për këngëtaren nga Kosova, Fjolla Morina.
Kërkesa e firmosur nga prokurori Edmond Karriqi është nisur ditën e sotme drejt Prokurorisë së Përgjithshme ,e cila pritet që të vendosë nëse do të miratohet kjo kërkesë apo jo.
Morina u dënua me 25 mars nga Gjykata e Shkallës së Parë në Kukës me 6 vjet burgim për “trafik të armëve dhe municionit”.
Avokatja e saj Aurora Guska e ka apeluar vendimin dhe kërkon zbutjen e dënimit. Të gjitha këto po bëhen pa praninë e këngëtares, e cila gjeti strehë në Dubai.
