Prokurorëve shqiptarë që kanë në dorë dosjen e nxehtë të tërmetit do t’u shtohen përforcimet. Mësohet se 7 ekspertë italianë i janë bashkuar ekipit të Prokurorisë së Durrësit. Ata janë të njëjtët ekspertë që morën pjesë në hetimin e tërmetit në L’Aquaila të Italisë, ku gjithashtu pati viktima në njerëz dhe dëme të jashtëzakonshme.
Sipas BW, ata tashmë kanë mbërritur në Tiranë dhe kanë marrë në dorëzim dosjen për të dhënë ekspertizën e tyre.
Kujtojmë që më 26 nëntor humbën jetën 51 persona dhe u shkatërruan me qindra banesa në Durrës dhe Thumanë. Prokuroria ka nisur hetimet për veprat penale “Shpërdorim Detyre”, “Ndërtim pa leje” dhe “Dhënia e ndihmës për ndërtim pa leje”.
