E diel, 28 Nëntor, 2021
13.5 C
Tirana

Programi Pegasus/ Emiratet e Bashkuara Arabe përgjuan qindra persona në Britani

Zbardhen detaje të reja në lidhje me përgjimet e programit “Pegasus”, ku janë zbuluar personazhe të tjerë të përfshirë në rrjet. Një anëtar i Dhomës së Lordëve është midis më shumë se 400 personave që janë përgjuar në Britaninë e Madhe, nga viti 2017 deri në vitin 2019.

Përgjegjësit kryesore për zgjedhjen e numrave në Britani duket se janë Emiratet e Bashkuara Arabe. Ndër të përgjuarit, janë edhe persona pranë Sheik Mohammed bin Rashid al-Maktoum, më konkretisht vajza e tij, Princesha Latifa dhe ish-gruaja e tij, Princesha Haya, shkruan The Guardian

Emiratet e Bashkuara Arabe janë një nga 40 vendet që kishin akses në kompaninë NSO, që është në gjendje të hakërojë dhe të marrë fshehurazi kontrollin e një telefoni celular. Dubai, qyteti i Emirateve i sunduar nga Sheik Mohammed bin Rashid al-Maktoum , gjithashtu besohet të ketë qenë një klient i NSO.

Në disa deklarata, kompania NSO tha se fakti që një numër u shfaq në listën e rrjedhur nuk ishte në asnjë mënyrë tregues nëse një numër ishte në shënjestër për mbikëqyrje duke përdorur Pegasus.

Por, cilët janë me numra në Britaninë e Madhe që shfaqen në listë?

-Pola Uddin, ose Baronesha Uddin, një anëtare e pavarur e Dhomës së Lordëve, numri i të cilës u shfaq në të dhëna nga viti 2017- 2018. Ajo tha nëse do të kishte spiunim ndaj anëtarëve të parlamentit do të konsideronte rastin si një shkelje të besimit.

-Një avokat që punon për një firmë ligjore në Londër, i cili ka këshilluar Princeshën Haya, e cila është përfshirë në një betejë kujdestarie me Sheik Mohammed.

-John Gosden, një trajner kuajsh, i cili është gjithashtu mik i Princeshës Haya, vetë një kalorës ndërkombëtar i kuajve.

-John Chipman, shefi ekzekutiv i “thinktank-ut” të mbrojtjes, një nga aleatët e Emirateve të Bashkuara Arabe.

-Matthew Hedges, një britanik i ndaluar në Emiratet e Bashkuara Arabe për shtatë muaj në vitin 2018.

Çfarë është programi Pegasus?

Programi Pegasus ka aftësinë ta kthejë telefonin në një pajisje përgjuese, falë aftësisë për të mos u diktuar nga antiviruset si dhe opsionit që mund të fiket dhe të ndizet në heshtje dhe nga distanca.

I zhvilluar nga firma izraelite “NSO Group”, e njohur edhe si “Q Cyber ​​Technologies”, ky program mund të përdoret për regjistrimin e telefonatave, kopjimin apo dërgimin e mesazheve, regjistrimin përmes kameras së telefonit si në pajisjet Android dhe iOS.

NSO këmbëngul se baza e të dhënave nuk ka “asnjë rëndësi” për kompaninë, dhe tha se Macron nuk ishte një “shënjestër” e asnjë prej klientëve të saj, që do të thotë se kompania mohon se ai ishte zgjedhur për mbikëqyrje duke përdorur Pegasus.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...