Gjykata e Kurbinit ka liruar nga qelia Frederik Frrokaj dhe nipin e tij Henri Frrokaj, duke u vendosur masën “Detyrim paraqitjeje”.
Ata u arrestuan pak ditë më parë nga Policia e Lezhës, pasi prodhonin ilaçe në mënyrë artizanale, të cilat më pas ia shisnin qytetarëve me pretendimin se do t’i shëronte nga koronavirusi. Ata merrnin 20.000 lekë të reja për këtë shërbim.
Policia raporton se 57-vjeçari bënte thirrje në Facebook për prodhim të substancave për kurimin e COVID-19. Substanca konsistonte në një përzierje të acidit klorhidrik me H2O. Më këtë përzierje, ai pretendonte se kishte shpikur ilaçin për kurimin e këtij virusi. Ndërsa nipi i tij i shiste ato.
