Dje, 9 Prill 2020, Princi Charles dhe Camilla kanë festuar përvjetorin e pesëmbëdhjetë të martesës.
Të dy u ribashkuan pas shërimit të Charles nga koronavirusi.
Ne llogarinë zyrtare të Clearence House u publikua nje foto që i portretizon ata të qetë dhe të qeshur, së bashku me qenushët e Dukeshës së Cornwall.
Fotografia është bërë në Birkhall, ku çifti po kalon karantinën.
Birkhall është një vend shumë i rëndësishëm për Charles dhe Camilla, ajo mund të quhet foleja e tyre e dashurisë, ku shkojnë zakonisht për të festuar momente të veçanta apo edhe thjesht për një arratisje dashurie.
Pikërisht këtu çifti kaloi muajin e mjaltit.
