Deputetja Rudina Hajdari ka shpërthyer sot ndaj presidentit por edhe ndaj mazhorancës gjatë fjalës së saj në foltoren e Kuvendit.
Aktin e presidentit për shfuqizimin e dekretit të zgjedhjeve, Hajdari e cilësoi si “të shëmtuar”, ndërsa shtoi se bashkëshortja e presidentit është kryetare e një partie sot dhe sigurisht që është në konflikt interesi.
Më tej, ajo iu drejtua mazhorancës, duke e pyetur me ironi nëse e dinte kur u zgjodh Meta president që ai është në konflikt interesi për shkak të Kryemadhit, e cila drejtonte një parti opoziotare.
Hajdari akuzoi mazhorancës, të cilës iu drejtua me fjalët se “e zgjodhi Metën për të zgjatur jetëgjatësine e pushtetit të saj, sepse nuk do t’ia dijë për Shqipërinë.
Deputetja ngriti disa pyetje ndaj presidentit, ndër të tjera, nëse shtyrja e zgjedhjeve në një kohë kur palët nuk ulen bashkë, do të çonte në zgjidhjen e krizës.
Duhet thënë se fjalimi i Hajdarit ka habitur të gjithë të pranishmit, si nga mazhoranca edhe nga opozita, të cilët e kanë dëgjuar tërë vëmendje, ndërsa në fund ajo u duartrokit nga deputetët e opozitës.
Fjala e plotë e deputetes Hajdari:
Sot kemi rezolutë e cila nuk ka ndonjë vlerë juridike, e cila thjesht ngre presionin dhe shantazhin ndaj presidentit. Gjykimin mbi vendimin e presidentit e merr vetëm Gjykata Kushtetuese. Sipas nenit 90, pika 2, mocioni për shkarkimin e presidentit vjen me 1/4 që firmoset dhe i depozitohet kreut të kuvend i cili ka për detyrë që të ngrejë një komision hetimor. Ai ka për detyrë të dëgjojë edhe presidentin e më pas ky komision mund të përpilojë një raport hetimor që diskutohet në parlament dhe depozitohet në Gjykatë Kushtetuese. Ajo është organi i vetëm që konstaton këtë lloj shkelje.
Pse mendon presidenti e zgjidh krizën me këtë vendim? Nëse palët nuk ulen bashkë dhe nuk arrijnë një kompromis për një datë tjetër, a mund të fusim ne vendim akoma më shumë në krizë?
Çfarë do ndodhë nëse ne nuk arrijmë të gjejmë dot një zgjidhje?
Çfarë negociatash do arrijnë këto dy palë? Unë nuk e shoh të mundur. Pika e dytë, më falni president nëse gruaja juaj është palë e opozitës dhe kjo palë është bërë pjesë e këtij konflikti, a nuk është ky konflikt i pastër? Unë ngre pyetjet, ai duhet të ulet me të gjitha palët. Do ulet edhe me Kryemadhin dhe të shikojë se kur do të jetë data tjetër e zgjedhjeve. A nuk ishte ky debati që u bë kur presidenti u zgjodh? Më falni pse e zgjodhët presidentin? Për vetëm një fakt, doni të zgjasni jetëgjatësinë e tij politike. Me çfarë kredencialesh e zgjodhët presidentin? A nuk ishte ai atëherë në konflikt interesi? Pse nuk e ngritët këtë problem?
Ju, mazhoranca u bë pala me LSI-në, me opozitën. Bëtë marrëveshje me njëri-tjetrin, pse? Që të zgjasni pushtetin tuaj sepse nuk ju intereson fare se çfarë bëhet me Shqipërinë.
Unë kam të drejtën time që të ngre pyetje, përndryshe përse ndodhem këtu në parlament?
Është një akt i shëmtuar, nuk mund të më thotë presidenti se unë jam më patriot se ty, se po e bëj për hir të kombit.
Mazhoranca e ka votuar me vetëdijë që ai president e ka gruan kryetare të një partie. Po normale mo, ju e çuat vetë në këtë derexhe!/ Tirana Today
