Presidenti kinez Xi Jinping ka paralajmëruar se përhapja e virusit të ri vdekjeprurës po përshpejtohet.
Sipas tij, vendi po përballet me një situatë kritike.
Koronavirusi i ka marrë jetën të paktën 41 personave dhe ka infektuar thuajse 1300 të tjerë që nga shpërthimi i tij në qytetin e Wuhan-it.
Një spital i dytë emergjence do të ndërtohet për pak ditë, për të trajtuar rreth 1300 pacientë.
Kujtojmë se ditën e sotme Australia konfirmoi katër raste ndërsa tre raste u konfirmuan në Francë.
Ndërkohë, Britania e madhe po heton 14 raste të dyshimta.
