Presidenti i Parlamentit Evropian David Sassoli pritet të udhëtojë së shpejti në drejtim të Maqedonisë së Veriut dhe Shqipërisë.
Raportohet se vizita në Shkup do të bëhet në 4 nëntor. Ndërsa vizita në Tiranë është planifikuar për në 2-3 dhjetor.
Së fundmi, përgjatë një deklarate mediatike ai ka pohuar se ka një thirrje për shqiptarët dhe qytetarët e Maqedonisë së Veriut:
“Dua t’u bëj thirrje qytetarëve dhe veçanërisht brezit të ri: Mos hiqni shpresën, ju lutemi qëndroni në rrugën evropiane. Parlamenti Evropian qëndron me ju”.
“Vizita në Maqedoninë e Veriut dhe shumë shpejt në Shqipëri, ka një rëndësi të madhe për mua personalisht në këtë moment.
Ne e dimë që popullsia në të dy vendet është zhgënjyer shumë nga dështimi i Këshillit. Ne e kuptojmë dhe e ndajmë këtë zhgënjim.
Shqipëria dhe Maqedonia e Veriut kanë zbatuar reformat që ne kërkuam prej tyre dhe tani meritojnë të shpërblehen për përpjekjet e tyre të jashtëzakonshme”, ka deklaruar Presidenti i Parlamentit Evropian.
