Sipas raportimeve të mediave të huaja dy gjigantë europianë rrezikojnë të përjashtohen nga Champions League për sezonin e ri, si pasojë e ‘Fair Play’ financiar.
Javier Tebas presidenti i La Ligas në gjashtë vitet e fundit, ka folur për rreziqet që i kanë sjellë futbollit skuadrat si PSG dhe Manchester City.
“Ka klube të cilave nuk u bën përshtypje aspak se çfarë të ardhurash kanë vërtet kur duan ta blejnë një lojtar, sepse ato marrin para nga të ardhurat e një shteti”, ka deklaruar Tebas, duke përmendur emrat e City dhe PSG-së.
“Kjo i detyron klubet e tjera të futen në një situatë delikate ekonomike, e cila i vë ato buzë falimentimit”, shtoi ai.
