Mëngjesin e sotëm, Irani ndërmori veprimin e parë ushtarak ndaj SHBa-së duke sulmuar dy baza amerikane në Irak me raketa balistike. Televizioni shtetëror iranian foli për të paktën 80 viktima nga sulmi, megjithatë ende nuk ka asnjë konfirmim zyrtar për këtë lajm nga zyrtarët e SHBA-së
Pas sulmit me 35 raketa ndaj dy bazave, Presidenti i Iranit Hassan Rouhani ka bërë një tjetër deklaratë kërcënuese ndaj SHBA-së. “I pretë dorën Sulejmanit, ne do t’i presim këmbët SHBA”.
Ndërkohë presidenti amerikan më herët lajmëroi një konferencë ditën e sotme, ku do të informojë mbi gjendjen pas sulmit dhe lëvizjen e radhës së SHBA-së.
“Gjithçka është në rregull. Po janë hedhur raketa në bazën amerikane në Irak. Jemi duke bërë një rishikim të dëmeve dhe viktimave në këto orë. Deri tani gjithçka është në rregull, ne kemi trupat më të fuqishme dhe më të organizuara në botë. Në orët e para të mëngjesit do të jap një deklaratë”- shkroi Trump.
