Presidenti i Brazilit Jair Bolsonaro para disa ditësh konfirmoi se ishte infektuar me koronavirus.
Rikujtojmë se herë pas here ai injoronte pandeminë duke thënë se është vetëm “një grip i lehtë”.
Edhe pasi është prekur vetë nga COVID-19, Bolsonaro duket se ende vijon që mos ta marrë shumë seriozisht virusin.
Raportohet se përgjatë një konference me gazetarët, ai hoqi maskën.
Ndërkohë gazetarët kanë treguar zero tolerancë ndaj tij.
Shoqata e Gazetarëve në Brazil thuhet se ka vendosur që të padisë presidentin për veprimin e bërë.
Ata gjithashtu shprehen se Bolsonaro nuk respektoi distancën e sigurisë:
“Vendi nuk mund të tolerojë një sjellje të tillë që shkon përtej papërgjegjshmërisë dhe është një krim i qartë kundër shëndetit publik”.
