E mërkurë, 28 Korrik, 2021
22.5 C
Tirana

Presidenti Biden në mbrojtje të së drejtës së votës

Presidenti demokrat Joe Biden, nën presionin e udhëheqësve të të drejtave civile, mbajti një fjalim në Filadelfia për një legjislacion gjithëpërfshirës mbi të drejtën e votimit, i cili është bllokuar në Kongres për shkak të kundërshtimit republikan.

Rreth 12 shtete të kontrolluara nga republikanët kanë miratuar ligje që ose kufizojnë votimin ose ndryshojnë rregullat e zgjedhjeve në përgjigje të pretendimeve të pabaza të ish-Presidentit Donald Trump se ai humbi në zgjedhjet e 2020, për shkak të manipulimit të votave.

Ndërsa ligji për të drejtat e votës përballet me një betejë të ashpër në Kongres, përqendrimi i Presidentit Biden tek kjo e drejtë e lejon atë të marrë mbështetje mes votuesve demokratë ndërsa këta të fundit punojnë për të mbajtur kontrollin e Kongresit në zgjedhjet e vitit 2022.

Muajin e kaluar, republikanët e Senatit bllokuan një projekt-ligj të reformës zgjedhore që mbështetej nga demokratët që do të kishte zgjeruar mundësitë për të votuar përpara Ditës së Zgjedhjeve, që do të bënte më transparente kontributet e caktuara të fushatës zgjedhore dhe që reformonte procesin për ndarjen e qarqeve të kongresit. Republikanët thanë se projekt-ligji shkelte autoritetin e vetë shteteve për të vendosur ligjet e tyre zgjedhore.

Zëdhënësja e Shtëpisë së Bardhë Jen Psaki tha të hënën se në fjalimin e tij në Filadelfia, presidenti Biden do t’i quajë përpjekjet për të hequr të drejtën e votës “sfidën më të rëndë për demokracinë amerikane që nga Lufta Civile”.

Presidenti do të argumentojë “se mohimi i së drejtës për të votuar është një formë shtypjeje” dhe do të diskutojë hapat që administrata ka në plan të ndërmarrë për të mbështetur të drejtat e votës, tha zonja Psaki.

Lexo edhe :   Fauci rreth Covid-19: SHBA-ja po shkon në drejtim të gabuar

Qyteti i zgjedhur për fjalimin nga presidenti Biden në Qendrën Kombëtare të Kushtetutës përbën një simbolikë të fuqishme për shumë amerikanë. Deklarata e Pavarësisë dhe Kushtetuta e Shteteve të Bashkuara u nënshkruan të dyja në Sallën e Pavarësisë, vetëm disa hapa larg nga qendra e qytetit.

Fjalimi i presidentit Biden në Filadelfia do të trajtojë vazhdimin e “sulmet nga ligjet që shtypin të drejtës së votës bazuar në një teori të rrezikshme dhe të diskredituar konspirative që kulmoi me një sulm (më 6 janar) në Kapitolin tonë”, tha zonja Psaki.

Demokratët kanë luftuar së bashku me grupet e të drejtave civile për të luftuar valën e kufizimeve të votimit që kritikët thonë se vë në shënjestër votuesit afrikano-amerikanë, hispanikë dhe të rinjtë, të cilët kanë ndihmuar në zgjedhjen e demokratëve.

Lexo edhe :   Pandemia, valë dorëheqjesh masive mes punonjësve amerikanë

Në Teksas të hënën, dhjetëra ligjvënës demokratë u larguan nga ky shtet si pjesë e një veprimi të orkestruar për të prishur përpjekjet e kolegëve të tyre republikanë për të miratuar një ligj për kufizimin e votimit dhe masa të tjera konservatore në një sesion të posaçëm legjislativ.

Ligjvënësit republikan të këtij shtetit thonë se ligjet e tyre të reja të votimit janë krijuar për të rritur sigurinë e zgjedhjeve, duke cituar pretendimet e zotit Trump se ai humbi për shkak të manipulimeve të përhapura. Këto pretendime u hodhën poshtë nga shumë gjykata, autoritetet shtetërore të zgjedhjeve dhe administrata e vetë zotit Trump.

Këtë vit Guvernatorët republikanë në Xhorxhia, Arizona, Florida dhe Ajoua miratuan ligje që parashikojnë kufizime të reja në procesin e votimit./VOA

- Reklama -

Më shumë nga kategoria




Të fundit

Si mund të shmangen epidemitë

Numri i vdekjeve të raportuara nga COVID-19 ka kaluar 4 milionë, sipas Universitetit Johns Hopkins që regjistron infektimet dhe vdekjet. Në 100 vitet e...

Politikani lituanez dënohet me burg për spiunim për Rusinë

Një gjykatë në Lituani dënoi politikanin Algirdas Paleckis me gjashtë vjet burgim, pasi e shpalli fajtor për spiunim për Rusinë. Gjykata e rrethit Siauliai vendosi...

Lëkundje sizmike me magnitudë 4.1 në Shqipëri

Lëkundje sizmike janë regjistruar mbrëmjen e sotme në vendin tonë. Sipas statistikave të publikuara nga Instituti i Gjeoshkencave, Energjise, Ujit dhe Mjedisit, tërmeti me...

Zgjedhje të parakohshme? Haradinaj: Qeveria Kurti nuk do të zgjasë shumë

Kryetari i Aleancës për Ardhmërinë e Kosovës, Ramush Haradinaj deklaroi se qeveria e Albin Kurtit nuk do të zgjasë shumë, duke paralajmëruar se në...

I pandehur me ish-ministrin Tahiri/ Rrëzohet kërkesa e Jaeld Çelës për liri

Gjykata e Posaçme kundër Korrupsionit dhe Krimit të Organizuar (GJKKO), ka rrëzuar  kërkesën e ish-drejtorit të Policisë së Vlorës Jaeld Çela, për lirimin nga...