Pak më herët, Departamenti i Shtetit Amerikan reagoi ndaj Ilr Metës, duke nënvizuar se “është në dijeni” të komenteve të tij ndaj Ambasadës së SHBA dhe diplomatëve amerikanë, dhe se “është duke e vëzhguar situatën”. Ngjela, duke vëzhguar situatën, i jep paralajmërimin e fortë Metës. Në komentin e tij, avokat Ngjela shton se edhe DASH thotë se “kryesorja është respektimi i ligjit”.
Statusi
Sot, Departamenti Amerikan i Shtetit iu përgjigj me elokuencë Metës duke i thënë:
Ti, zoti Meta, je antireformë. Por reforma do të vijojë se është jetike për Shqipërinë.
Ky është thelbi i përgjigjes. Ndërsa, për atë të shtetit të ambasadorëve në vend të shtetit të së drejtës, që tha Meta dje, DASH i tha se, “kryesor është zbatimi i ligjit”.
President më të paturpshëm se ky, nuk do t’i vijë më Shqipërisë. Edhe Sali Berisha e humbi toruan në luftën e tij me Uashingtonin në vitin 1997, por, të gjitha absurditetet nuk i tha botërisht si president, por në telefon me ta.
Kurse Metën e kërcënon edhe penaliteti për shkelje të mëdha të ligjit, prandaj e ka kaq të madhe shthurjen mendore. Edhe DASH, kështu i thotë: “kryesorja është respektimi i ligjit”.
Nuk ndalohet dot kjo reformë, kot lodhet Meta. Dhe DASH njofton gjithashtu se Byroja Kombëtare e Hetimit është duke u ngritur.
Po Meta?
Tani do të kthejë… duke pritur fatin e tij drejt hetimit: kjo duhet të jetë rruga e tij. Të shohim…
Pak çaste më parë, Presidenti Ilir Meta u bëri thirrje qytetarëve që të mbrojnë Kushtetutën dhe Republikën përmes referendumit.
Kreu i shtetit deklaroi se do të kërkojë mbështetjen e qytetarëve, që këta të fundit të vendosin për të ardhmen e tyre, dhe të votojnë me referendum për të ndryshuar gjendjen në të cilën ndodhet vendi.
