Në shenjë solidariteti me situatën e vështirë që po kalon Italia, ndërtesa e Presidencës është ndriçuar nga ngjyrat e flamurit të shtetit fqinj.
Në lidhje me këtë veprim ka reaguar edhe ambasada italiane në Shqipëri. Përmes një postimi në Facebook, ambasada italiane shpreh falënderimet e saj për mbështetjen e dhënë.
“Edhe ndërtesa e Presidencës së Republikës së Shqipërisë në Tiranë ndriçohet nga tringjyrëshi italian. Faleminderit nga zemra për mbështetjen dhe solidaritetin“, shkruhet në faqen e ambasadës italiane në Facebook.
Gjatë ditëve të mëparshme godina të ndryshme nga qytete të ndryshme janë ndriçuar nga ngjyrat e flamurit italian në shenjë solidariteti.
Kujtojmë se Shqipëria ishte një nga vendet e pakta, e cila dërgoi mjekë dhe infermierë për të ndihmuar me situatën e rëndë në Itali.
Zyrtarë politikë dhe figura të njohura në Itali shprehën falënderimet e tyre, për këtë gjest.
