Presidenca e Kosovës bën me dije se presidenti, Hashim Thaçi, do të kthehet në Kosovë ditën e nesërme.
Përmes një deklarate për mediat, Presidenca konfirmon se Thaçi ka ndërprerë udhëtimin e tij për në Shtetet e Bashkuara.
Në njoftim theksohet se anulimi i pjesëmarrjes së Thaçit në takimin që do të mbahet në Shtëpinë e Bardhë, lidhet me aktakuzën e ngritur nga Gjykata Speciale në Hagë.
Njoftimi:
Departamenti i Informacionit dhe Komunikimit me Publikun
Presidenti Thaçi ndërprenë udhëtimin për në SHBA, nesër kthehet në Kosovë
Presidenti i Republikës së Kosovës, Hashim Thaçi, pas njoftimit të bërë publik nga Zyra e Prokurorit të Specializuar lidhur me inicimin e ngritjes së aktakuzës, ka ndërprerë udhëtimin zyrtar drejt Shteteve të Bashkuara të Amerikës, ku ishte ftuar të merrte pjesë në kudër të procesit të dialogut ndërmjet Kosovës dhe Serbisë.
Lidhur me anulimin e vizitës zyrtare në SHBA, Zyra e Presidentit të Republikës së Kosovës tashmë e ka informuar edhe Shtëpinë e Bardhë.
