Kryeministri Edi Rama, vazhdon të ironizojë programin e Partisë Demokratike, teksa nga Gjirokastra u ndal dhe te çështja e pensioneve.
Teksa një pensionist e pyeti kreun e qeverisë nëse do të rriten pensionet, Rama u shpreh se debati për këtë çështje është e vështirë kudo.
Kreu i qeverisë u shpreh se PD mund të rrisë pensionet sa hap e mbyll sytë, por kjo nuk është e mundur sipas tij.
Edi Rama: “PD mund të rrisë pensionet sa hap e mbyll sytë, madje të ul sigurimet dhe të rris pensionet. Duke ulur prodhimin e qumështit, duke rritur prodhimin e djathit. Ka një formulë se si mund të ndodhi kjo. Ai që të jepet për djathë, në fakt është sapun. Kush ta marri ta marri, kush ta hajë ta hajë, Po e hëngri shumica, ‘fiton Shqipëria’. Ne e kemi rritur listën e barnave të rimbrueseshme. As këtë dhe as atë që themi s’dua që të jenë si tema fushatë, pasi nuk jemi në fushatë. Atë do ta bëjmë se jemi para popullit në funksion të zgjedhjeve.”
