I ndodhur në një gjendje të rëndë mendore, një 65-vjeçar shqiptar ka tentuar ti japë fund jetës së tij, dhe bashkëshortes. Ngjarja tragjike ka ndodhur në Itali, ndërsa shqiptari prej tre muajsh ishte pa punë, dhe dyshohet se ka tentuar të vrasë gruan me çekiç, në kushte të rënda.
Rasti në fjalë është shënuar rreth orën 09:30 minuta të mëngjesit të sotëm. Mediat italiane shkruajnë se kushtet e rënda ekonomike, mund ta kenë çuar shqiptarin drejt tentativës së vrasjes së gruas së tij, një shtëpiake 69-vjeçare.
Sherri i përgjakshëm ka ndodhur në godinën numër 4 të Via Primo Maggio, ku çifti jetonte. Çifti ka debatuar në shtëpi rreth orës 09:00, dhe në fund të një mosmarrëveshje ka ndodhur dhuna. Pak minuta më vonë, teksa po zbriste nëpër shkallë kishte takuar fqinjin 77-vjeçar italian, ku e ka qëlluar edhe atë. Mësohet se i moshuari italian kishte dalë nga shtëpia e tij, pasi ishte alarmuar nga britmat.
65-vjeçari është në koma, ndërsa gruaja e tij është në gjendje të rëndë për jetën, pasi ka një plagë të madhe në kokë. Për fat të mirë, fqinji i çiftit shqiptar ka marrë plagë të lehta, dhe është jashtë rrezikut për jetën.
