Vajza e doktoreshës së njohur Najado Çomo, ka ndarë me ndjekësit e saj një status prekës, se çfarë sakrificash i është dashur të bëjë ndërsa e ëma është në krye të detyrës.
Greis Çomo thotë se kur epidemia mbëtheu vendin tonë, ajo e ka patur të pamundur që të përqafonte nënën e saj.
Prej më shumë se 4 muajsh, ajo dhe i ati shohin çdo ditë në sytë e mjekes lodhjen, përkushtimin, dëshpërimin për jetët e humbura, pavarësisht përpjekjeve të panumërta që stafi mjekësor janë duke bërë.
Statusi
Personat që më njohin e dinë sa njeri diskret që jam, por e ndjej të nevojshme të shkruaj “2 fjalë”…
Prej më shumë se 4 muajsh, nuk mund të përqafoj dot mamin tim…
Prej më shumë se 4 muajsh, vetë ajo nuk mund të përqafojë dot gjyshen time…
Prej më shumë se 4 muajsh, unë dhe babi, shohim çdo ditë në sytë e saj lodhjen, përkushtimin, dëshpërimin për jetët e humbura, pavarësisht përpjekjeve të panumërta që stafi mjekësor është dukë bërë…
Prej më shumë 4 muajsh stafi mjekësor, të gjithë pa asnjë përjashtim, janë duke shërbyer me një energji dhe forcë të paimagjinueshme…
Prej më shumë se 4 muajsh na kërkohet që të zbatojmë disa rregulla të cilat, në këndvështrimin tim, nuk janë kaq të vështira dhe të pamundura.
Ju lutem, tregohuni pak egoist për veten tuaj, ruani distancën, vendosni maskën. ?
