Edi Paloka i shkarkuar nga Partia Demokratike si kryetar i Këshillit Kombëtar, ka reaguar ndaj takimit të ambasadorëve të SHBA-së dhe të vendeve të BE-së me kryedemokratin Lulzim Basha. Mesazhi është i drejtëpërdrejtë ndaj Bashës, ku e akuzon se nuk po i shërben demokratëve, por lufton për karrigen e tij. Paloka ia bën të qartë Bashës se demokratët e kanë shkarkuar, duke e cilësuar si të dështuar përpjekjen për tu mbrojtur nga ana e ambasadorëve.
Vizita e ambasadorëve në PD, vjen në një kohë tensionesh mes dy palëve, të krijuara në selinë blu. Në Kuvendin e Berishës më 11 dhjetor, u votua për shkarkimin e Lulzim Bashës si kryetar dhe ish-kryeministri së bashku me grupin e tij demokrat pasditen e djeshme zbarkuan në selinë e PD-së, ku edhe ngritën një Komision për Referendumin e datës 18 dhjetor.
Statusi nga Paloka
Sikur te angazhoheshe kaq shume sa po angazhohesh per te mbrojtur vulen e karrigen tende, edhe per te mbrojtur voten e denoncuar “masakren zgjedhore” , do ju kishe bere te pakten nje sherbim demokrateve! Seriozisht e ke qe mendon se mund te qendrosh ne krye te demokrateve me ndihmen e policise se Rames dhe ambasadoreve, kur demokratet te kane shkarkuar?! Ty mbase te ben pune nje parti-shoqate ne opozite prandaj lufton kaq fort per vulen, po si mund ta pranojne kete ata demokrate qe prej me shume se 8 vitesh jane nen dhunen dhe persekutimin e Rames?! Tani po lufton te mbash vulen sepse justifikimin per humbjen e rradhes e ke gjetur: “Prape fajin e ka Saliu”.
Dy ditë më parë, me 251 vota pro, 4 kundër dhe 2 të pavlefshme, Këshilli Kombëtar i Partisë Demokratike vendosi shkarkimin e kryetarit të këtij institucioni, Edi Palokën, si dhe disa anëtarë të Kryesisë së partisë.
Anëtarët e Kryesisë të shkarkuar janë Flamur Noka, Aldo Bumçi, Gent Strazimiri, Albana Vokshi, Oerd Bylybashi, pasi morën pjesë në Kuvendin Kombëtar të thirrur nga Berisha.
