Futboll

Praktikisht e eliminuar nga Europa League? Humbja e thellë e Teutës ndaj Letonisë

               Publikuar në : 19:40 - 11/07/19 Enno

Teuta luajti ditën e sotme kundër lituanezëve të Ventspilsit, sfidën e parë të saj të vlefshme për Ligën e Europës.

Që në minutat e para të ndeshjes, skuadra u pa në disavantazh, pasi në minutën e 5-të, skuadra kundërshtare shënoi golin e parë duke dalë në avantazh. Serhiçuk përfitoi nga një hutim i mbrojtjes durrsake dhe ka ndëshkuar Hidin në shtyllën e tij.

Më tej, gjatë ndeshjes skuadra e Teutës e rriti shumë lojën e saj por kjo nuk ishte e mjaftueshme. Në pjesën e dytë të lojës, shënoi edhe dy herë të tjera duke bërë durrsakët që të kapitullojnë. Goli i dytë u shënua nga Ulimbasevs, ndërsa goli i tretë që i dha fund shpresës së Teutës erdhi nga Ajegun, i cili e kaloi topin mes këmbëve të Hidit për rezultatin 3-0.

Ky rezultat e bën mjaft komod kthimin për letonezët dhe shumë të vështirë përmbysjen për durrsakët, që do të kenë nevojë për më shumë sesa një mrekulli në “Niko Dovana”.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT