Presidenca e BE-së nga sot do jetë në duart e Portugalisë. Ky shtet do ta mbajë presidencën për gjashtë muaj me rradhë.
“Është një nder dhe një përgjegjësi e madhe të marrësh drejtimin nga Gjermania dhe kancelarja Angela Merkel”, shkroi kryeministri i Portugalisë, Antonio Costa në rrjetin social, Twitter.
Kjo është hera e katërt që vendi merr presidencën e radhës të Këshillit të Bashkimit Evropian.
Nën flamurin “Koha për të dhënë: një rigjenerim të drejtë, të gjelbër dhe dixhital”, gjatë presidencës së saj Portugalia ka në plan të përqendrohet në zbatimin e qëllimeve të paketës së ndihmës shumë miliardë euroshe kundër Covid-19 të Bashkimit Evropian.
