Pak çaste më parë, kryeministri Edi Rama ka nisur një mbledhje me drejtuesit e Partisë Socialiste në qarqe. Rama ka mbledhur të gjithë drejtuesit e qarqeve në selinë rozë, në kryeqytet. Burimet bëjnë me dije se kreu i qeverisë do të japë porosi të qarta në lidhje me zgjedhjet parlamentare që do të zhvillohen më 25 prill 2021.
Kjo mbledhje vjen pas ndryshimeve të bëra me drejtuesit politik. Në Shkodër u caktua si drejtues politik Ilir Beqja, në Lezhë Lindita Nikolla, në Durrës vetë Rama pas largimit të Vangjush Dakos, kurse në Tiranë do drejtojë Elisa Spiropali dhe Ervin Bushati.
Presidenti Meta ka dekretuar të dielën, datën e zgjedhjeve të ardhshme parlamentare, që do të mbahen më 25 prill 2021.
Presidenti i Republikës së Shqipërisë, në përmbushje të detyrimit kushtetues, paraprakisht zhvilloi takime me përfaqësuesit e partive politike për vendosjen e datës së zgjedhjeve parlamentare.
