Policia e Shtetit ka dhënë detaje lidhur me operacionin “BOGOVA”, i cili u zhvillua në Berat.
Pas informacioneve se në disa banesa në fshatin Përparim ka lëndë narkotike, blutë kanë gjetur një kamion të ngarkuar me bimë narkotike marijuanë, ku pesha e lëndës ishte rreth 820 kg në banesën e parë në pronësi të Islam Zylyftari.
Pas kontrollit në banesën e dytë në pronësi të V.Z., janë gjetur 50 thasë me bimë narkotike marijuanë me peshë rreth 485 kg, ndërsa në banesën e tretë në pronësi të M.Z është gjetur një sasi prej 5 kg.
Policia ka shpallur në kërkim:
F.B. 50 vjeç, banues në Përmet
M.Z. 80 vjeç, banues në Durrës
V.Z. 62 vjeç, banues në Durrës.
