Tre persona të maskuar kanë përfituar nga mungesa e familjarëve të kambistit Vilson Mara, duke hyrë në shtëpinë e këtij të fundit dhe duke marrë 3 milion lekë të vjetra.
Grabitësit dyshohet se kanë pasur informacione se në shtëpi nuk ndodhej njeri, duke përfituar nga situata.
Megjithatë, ata kanë pikasur se në banesë po afrohej e zonja e shtëpisë, dhe janë detyruar të largohen pasi kanë arritur të marrin një sasi parash.
Të zotët e shtëpisë kanë njoftuar menjëherë policinë, e cila ka nisur hetimet dhe po punon për identifikimin dhe kapjen e autorëve.
