Dhjetëra protestues janë nisur nga qyteti i Elbasanit, për të marrë pjesë në protestën e opozitës. Autobusë dhe makina të shumta janë nisur nga qyteti i Elbasanit në drejtim të Tiranës, duke u përballur me kontrolle nga policia.
Mësohet se mjetet e mbushura me protestues janë kontrolluar nga policia në rreth-rrotullimin e Bradasheshit.
Sot në orën 19:00, opozita e bashkuar do të zhvillojë protestën e gjashtë kombëtare, kundër qeverisë Rama. Lideri demokrat Lulzim Basha u ka bërë thirrje qytetarëve për t’u bashkuar këtë të shtunë në Tiranë.
Në gatishmëri do të jenë si gjithmonë mbi 1300 efektivë policie dhe të Gardës te Kryeministria, Kuvendi, dhe institucionet e tjera.
