Në kuadër të planit të masave dhe strategjisë për një vit të sigurt në qarkullimin rrugor, Policia Rrugore ka njoftuar aksionin e radhës të zhvilluar. Mësohet se vetëm ditën e djeshme, në një aksion në Fier, janë arrestuar 8 drejtues mjetesh, pasi kanë qenë pa leje drejtimi. Për më tepër, një tjetër është shpallur në kërkim.
Gjithashtu, janë bllokuar dhe makinat e drejtuesve të mjeteve që u arrestuan.
https://www.facebook.com/1502420603377639/videos/1501966109952267/
Njoftimi i Policisë:
Plan Masash nga Policia Rrugore Fier për zbatimin e normave të sjelljes nga drejtuesit e mjeteve për shkeljet që janë burim aksidenti për mjetet me dy rrota (ciklomotorrave).
Policia Rrugore e Qarkut Fier gjatë 24 orëve të fundit ka arrestuar 8 shtetas për drejtim mjeti të pa paisur me leje drejtimi dhe ka kapur 1 shtetas të shpallur në kërkim.
Me qëllim parandalimin e aksidenteve dhe rritjen e sigurisë në rrugë, policia rrugore ka hartuar një plan masash të posaçëm për konstatimin dhe procedimin e personave që drejtojnë mjetet dhe motomjetet në mënyrë të parregullt, si dhe të shkeljeve të cilat janë burim i shtuar për aksidentet rrugore.
Nga kontrollet e ushtruara gjatë 24 orëve të fundit, janë konstatuar dhe kapur në kushtet e flagrancës 8 shtetas për drejtim të mjetit të pa paisur me leje drejtimi si edhe u kap 1 shtetas i cili ishte në kërkim për veprat penale “Shkelje e rregullave të qarkullimit rrugor”, “Drejtimi i automjeteve në mënyrë të pa rregullt” dhe ”Largimi nga vendi i aksidentit”.
Specialistët e Sektorit të Qarkullimit Rrugor në DVP Fier arrestuan në flagrancë shtetasit e mëposhtëm pasi u kapën duke drejtuar motocikletën pa leje drejtimi:
- Sh., 58 vjeç, banues në Lushnjë.
- O., 52 vjeç, banues në Divjakë.
- S., 47 vjeç, banues në Lushnjë.
- P., 52 vjeç, banues në Lushnjë.
- M., 37 vjeç, banues në Peqin.
- P, 53 vjeç, banues në Lushnjë.
- H, 33 vjeç, banues në Divjakë.
- H., 21 vjeç, banues në Fier për drejtimin e automjetit tip “Benz” pa leje drejtimi.
U ndalua shtetasi i shpallur në kërkim: A. R, 57 vjeç, banues në Fier për veprat penale “Shkelje e rregullave të qarkullimit rrugor”, “Drejtimi i automjeteve në mënyrë të pa rregullt” dhe ”Largimi nga vendi i aksidentit”.
Gjithashtu, gjatë kontrolleve të ushtruara, janë bllokuar 8 motomjete, janë proceduar për Komision 26 drejtues mjetesh për paligjshmëri në fushën e transportit të udhëtarëve.
Gjatë 24 orëve të fundit u vendosën 268 masa administrative nga të cilat 121 masa ne fushën e sigurisë rrugore (pa kaska mbrojtëse, pa rrip sigurimi, parakalim i gabuar dhe përdorim celulari).
Sektori i Policisë Rrugore në DVP Fier do vazhdoi punën për parandalimin e aksidenteve rrugore dhe rritjen e sigurisë së lëvizjes në rrugë dhe fton të gjithë përdoruesit e rrugës të respektojnë normat e sjelljes sipas përcaktimeve të Kodit Rrugor.
