Shkëlzen Berisha, djali i ish-kryeministrit, Sali Berisha, ka reaguar lidhur me lajmet që qarkulluan në media se policia i kishte hequr patentën.
Përmes një postimi në Facebook, Berisha ka kërkuar ndjesë për shkeljen e rregullave, pasi është kapur duke lëvizur tej normës së shpejtësisë së lejuar.
Nga ana tjetër ai ka mohuar faktin se ka kundërshtuar efektivët e policisë që e kanë ndaluar, duke sqaruar se ai ka paraqitur dokumentet e kërkuara pa asnjë lloj debati.
Sipas lajmeve të publikuara sot nga mediat, mbrëmjen e djeshme Shkëlzen Berisha po lëvizte me shpejtësi 128 km/h me një makinë tip Benz S320 në aksin Tiranë – Elbasan dhe është ndaluar nga policia rrugore në afërsi të qendrës tregtare “TEG”.
Postimi i plotë:
Te dashur miq se pari me duhet ta nis me nje ndjese per kalimin e shpejtesise se lejuar sepse ajo kercenon jeten e te gjitheve. Se dyti, ne lidhje me nje shpifje te shperndare sot nga media prane qeverise deshiroj te sqaroj se per asnje moment dhe ne asnje rrethane, asnje procedure ligjore apo punonjes i rendit nuk eshte kundershtuar nga une gjate ushtrimit te detyres.Dokumenti i kerkuar ne zbatim te ligjit eshte dorezuar po ne zbatim te ligjit, pa asnje lloj debati, kundershtimi apo refuzimi. Nese do ishte ndryshe sot ne vend te shpifjeve te mediave prane qeverise do duhej te kishim nje padi nga ana e policise per kundershtim te saj gjate ushtrimit te detyres. Por ne vend te akuzes kemi shpifjen, sepse e para kerkon prova ndersa e dyta vetem leket e atyre qe e sponsorizojnë.
