Policia holandeze ka qëlluar dhe plagosur të paktën dy persona, pas trazirave që shpërthyen në Rotterdam për masat e reja Covid-19.
Protestuesit hodhën gurë dhe fishekzjarre ndaj tyre, dhe u vunë flakën makinave të policisë. Qindra protestues ishin mbledhur për të treguar zemërimin e tyre, ndaj planeve të qeverisë për një leje vaksinimi kundër Covid, dhe ndalimin e fishekzjarreve në natën e Vitit të Ri.
Holanda vendosi një bllokim të pjesshëm tre-javor të Covid javën e kaluar, ndërsa rastet u rritën.
Rebelët ndezën zjarre në zonën kryesore tregtare të Rotterdamit. Videot e postuara në mediat sociale treguan makinat e djegura të policisë, dhe protestuesit që gjuanin me gurë policinë në rrugën kryesore tregtare të qytetit. Policia përdori ujë për t’i shpërndarë ata.
Holanda vendosi kufizime të reja të shtunën e kaluar, pasi regjistroi numrin më të lartë të rasteve me Covid që nga fillimi i pandemisë. Masat nënkuptojnë se restorantet dhe dyqanet duhet të mbyllen më herët, dhe ngjarjet sportive duhet të zhvillohen me dyer të mbyllura.
Pas shpalljes së masave, demonstruesit u përleshën me policinë në Hagë. Protestuesit në Rotterdam shprehën mosmiratimin e tyre ndaj propozimeve të qeverisë. Më herët të premten, qeveria ndaloi fishekzjarret më 31 dhjetor për të dytin vit radhazi. Ndalimi i tyre do të parandalonte “tensionin shtesë në kujdesin shëndetësor”, tha qeveria.
Burimi i lajmit: BBC. Përshtatur nga Tirana Today
