E enjte, 2 Dhjetor, 2021
7.5 C
Tirana

Lukashenko: Bjellorusia ndihmoi emigrantët për në BE

Udhëheqësi autoritar i Bjellorusisë, i ka thënë BBC-së se është “absolutisht e mundur” se forcat e tij kanë ndihmuar emigrantët të kalojnë në Poloni, por mohon që ata të jenë ftuar.

Mijëra emigrantë, kryesisht nga Lindja e Mesme, janë përpjekur të hyjnë në BE nëpërmjet Bjellorusisë prej muajsh. Në një intervistë ekskluzive, Alexander Lukashenko tha: “Ne jemi sllavë. Ne kemi zemra. Trupat tona e dinë se emigrantët po shkojnë në Gjermani”.

“Ndoshta dikush i ka ndihmuar. Unë as nuk do ta shqyrtoj këtë”, shtoi ai. BE, NATO dhe SHBA kanë akuzuar liderin e Bjellorusisë, për joshjen e emigrantëve në kufi me premtimin e rremë për hyrje të lehtë në BE. Diçka që ai e ka mohuar.

“Unë u thashë atyre [BE-së] se nuk do t’i mbaj emigrantët në kufi, dhe nëse vazhdojnë të vijnë tani e tutje, unë ende nuk do t’i ndaloj ata, sepse ata nuk po vijnë tek unë. Ata do të shkojnë në vendin tuaj”, tha ai.

“Por unë nuk i ftova këtu. Dhe të jem i sinqertë, nuk dua që ata të kalojnë nëpër Bjellorusi”.

Lukashenko ka qenë në pushtet që nga viti 1994, por rizgjedhja e tij si president vitin e kaluar, u diskreditua gjerësisht nga Perëndimi dhe nuk u njoh nga BE-ja.

Protestat masive për zgjedhjet e diskredituara çuan në një goditje të qeverisë, me njerëz të dërguar në burg ose internim.

Mijëra protestues dhe aktivistë të opozitës u arrestuan dhe liderja e opozitës Svetlana Tikhanovskaya u detyrua të largohej nga Bjellorusia, pasi pretendoi fitoren. Ekipi i saj kritikoi BBC-në për kryerjen e intervistës së të premtes, të cilën ata e përshkruan si “duke i dhënë fjalën një diktatori”.

Si po i ndihmon Bjellorusia ‘turistët’ të hyjnë në BE

BE-ja pretendon se Lukashenko ka orkestruar krizën kufitare me Poloninë, Lituaninë dhe Letoninë në muajt e fundit, si hakmarrje për sanksionet e vendosura ndaj Bjellorusisë për shtypjen e saj brutale ndaj kundërshtarëve, që morën pjesë në protestat masive pas zgjedhjeve të gushtit 2020.

Zonja Tikhanovskaya tha se sanksionet i dhanë BE-së dhe SHBA-së “shtysë të fuqishme” kundër Lukashenkos. “Ai kupton vetëm gjuhën e pushtetit”, tha ajo.

Ajo akuzoi regjimin e tij për shantazhimin e vendeve evropiane, për “mbështetjen e tyre për lëvizjen demokratike bjelloruse”.

BE-ja akuzoi më herët Lukashenkon për një “qasje çnjerëzore, të stilit gangster” ndaj çështjes së emigrantëve. Të paktën 2.000 emigrantë u bllokuan në kampe pranë kufirit të Bjellorusisë me Poloninë. derisa përfundimisht u zhvendosën këtë javë në një magazinë logjistike aty pranë. Rreth 5.000 emigrantë mbeten në Bjellorusi, megjithëse qindra u kthyen në Irakun verior kurd, me një fluturim riatdhesimi të enjten.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

1000 kurthe dhe teli me gjemba

Nga: Frrok Çupi Foltoret e këtij po duken e po zhduken ‘gëmushave’ në një marshim si iriqi. Sot ndodhet në Tropojë. 24 vjet më parë...

12 milionë gjermanë të pa vaksinuar/Spahn: Sistemi shëndetësor do mbingarkohet

Numri i njerëzve të pa vaksinuar në Gjermani është ende aq i madh, sa rrezikon të mbizotërojë sistemin shëndetësor të vendit. Ky paralajmërim ka...

Një marrëveshje globale për parandalimin dhe reagimin ndaj pandemisë

Një marrëveshje globale për parandalimin dhe reagimin ndaj pandemisë, është një hap më afër. Organizata Botërore e Shëndetësisë (OBSH), ka rënë dakord të fillojë...

Irlanda raporton rastin e parë të Omicron

Irlanda ka raportuar rastin e saj të parë të variantit të koronavirusit Omicron, thuhej në një deklaratë nga Ekipi Kombëtar i Emergjencave të Shëndetit...

Atdheu thumbon Donaldin dhe Borën

Donaldi shprehu hapur ndjenjat për Beatrix Ramosajn, duke lënë pas në këtë formë historinë me Borën. Ish-konkurrenti i “Përputhen”, Atdhe Xharavina, e ka ironizuar këtë...