Me urdhër të qeverisë, Tirana gjatë kësaj fundjave i është nënshtruar masave izoluese.
Këtë të dielë të gjitha aktivitetet dhe bizneset janë mbajtur të mbyllura, ndërsa ashtu si dhe një ditë më parë, të bllokuara kanë qenë edhe hyrjet që të çojnë në Parkun e Liqenit.
Dje qytetarët protestuan dhe arritën të thyenin perimetrin e Policisë, ndërsa sërish ditën e sotme janë “rebeluar”.
Ata janë shpërndarë, duke u ulur nëpër stolat pranë sheshit Wilson.
Madje disa të tjerë nuk kanë ngurruar që të ulen në karriget bosh të lokaleve të mbyllura.
