E shtunë, 23 Janar, 2021
9 C
Tirana

Zyrtari i SHBA: Kina fshehu virusin, do t’i shkojmë çështjes deri në fund

Një zyrtar i lartë i Shtëpisë së Bardhë e krahasoi mënyrën se si e trajtoi Kina çështjen e koronavirusit me fshehjen që Bashkimi Sovjetik i bëri shpërthimit të termocentralit bërthamor të Çernobilit në vitin 1986.

Këshilltari i sigurisë kombëtare Robert O’Brien tha se Pekini e dinte qysh në nëntor se çfarë po ndodhte me virusin, i cili e kishte origjinën në Wuhan, por gënjeu Organizatën Botërore të Shëndetit dhe i pengoi ekspertët e huaj që të merrnin informacion.

“Ata lëshuan në botë një virus që i shkaktoi Amerikës triliona dollarë humbje ekonomike dhe tani na duhet të shpenzojmë për të mbajtur gjallë ekonominë tonë, për t’i mbajtur amerikanët në punë gjatë kësaj pandemie,” tha zoti O’Brien për televizionin NBC.

“Fshehja që ata i bënë virusit do të hyjë në histori, së bashku me Çernobilin. Dhjetë ose 15 vjet më vonë do të shohim një program special në HBO për këtë temë,” tha ai duke iu referuar një miniseriali televiziv.

Katastrofa e termocentralit bërthamor të Çernobilit në ish-republikën sovjetike të Ukrainës shkaktoi një rrezatim bërthamor që çoi në vdekjen e dhjetëra njerëzve brenda pak javësh dhe detyroi dhjetëra mijëra të tjerë të largohen.

Me shumë vonesë Moska tregoi më në fund përmasat e tragjedisë, të asaj që vlerësohet si aksidenti më i rëndë bërthamor në histori.

Presidenti amerikan Donald Trump është ankuar në mënyrë të përsëritur për trajtimin që Kina i bëri shpërthimit të koronavirusit.

Kina i ka mohuar akuzat dhe kryediplomati i saj akuzoi të dielën Shtetet e Bashkuara se po përhapin gënjeshtra.

“Ky është një problem i vërtetë dhe po i kushton Amerikës dhe botës mijëra e mijëra jetë njerëzish sepse informacioni i vërtetë nuk u lejua të dilte,” tha zoti O’Brien.

Lexo edhe :   SHBA: Akuzat ndaj ish-presidentit Trump dorëzohen të hënën në Senat
Lexo edhe :   Biden shpalos sot planin kundër koronavirusit

“Çështja u fsheh, por një ditë ne do t’i shkojmë asaj deri në fund,” tha ai. /Voa

- Reklama -

Më shumë nga kategoria




Të fundit

‘Karlo Bolino do të zhdukte kasetën e vrasjeve’/ Artan Hoxha zbardh 21 Janarin

Nga: Artan Hoxha Kisha vendosur të mos merresha më me të, sepse më kishte futur aq miq, botues, biznesmenë, politikanë që të heshtja (ti e...

Horoskopi 23 janar 2021, parashikimi i yjeve për ju

Dashi Kjo e shtunë do i gjejë të lindurit e kësaj shenje, nën dominimin e nervozizmit, i cili do të jetë i shtrirë në të...

Lejuan ndërtime pa leje, pranga dy zyrtarëve të Bashkisë së Kamzës (Emrat)

Dy punonjësit e Inspektoratit të Mbrojtjes së Territorit në Bashkinë Kamëz kanë rënë në prangat e policisë pasi kanë shpërdoruar detyrën. Në kuadrër të operacionit...

E trishtë/ Ndërron jetë në moshën 35-vjeçare ish-sulmuesi

Ish-sulmuesi xhamajkan, Luton Shelton ka ndërruar jetë në moshën 35-vjeçare, për shkak të një sëmundje. Shelton ishte diagnostikuar në vitin 2018 me sëmundjen “ALS”, e...

Berlini përgatitet për konsultime me administratën Biden

Lehtësimi i jashtëzakonshëm u shpreh në Gjermani që kur Joe Bideni i fitoi zgjedhjet presidenciale. Kurse të mërkurën (20.01.), kancelarja Angela Merkel i shkroi...