Ish-deputeti i PD, Klevis Balliu, ka reaguar për videon që po qarkullon në rrjetet sociale, ku një polic ngacmon një qytetare.
Lidhur me videon e bujshme, Balliu sulmon ashpër Ministrin e Brendshëm, Sandër Lleshaj.
Balliu shkruan se shqiptarët tashmë po shohin fytyrën e ministrit Lleshaj.
Statusi
LLESH MINISTRI, SI FAJ I PANDËSHKUAR
Tashmë të gjithë shqiptarët e shohin fytyrën e Ministrit Leshi që nga gazi lotsjellës tek qindra burra, gra e fëmijë të goditur prej ti si në Belfastin e dikurshëm apo Pretorian e para Mandelës.
Ky portret mizor si kamzhik i fjalëve BURG, BURG, BURG i Ramës është konkurent për arrestime me çdo diktaturë.
Po Llesh Ministër, ti je Policia e Rinasit që vidhet me orar dyqani.
Ti je Policia e rrahjes dhe arrestumin e qytetarëve në Fier se duan bukë.
Ti je o Llesh Ministër në çdo arë kanabisi, laborator droge të kapur dhe të pakapur.
E më së fundi je dhe te kjo video.
Mos ki merak, koha jo për studim por për akuzë publike, për ngjashmërinë e portretit tënd me atë të Policisë Rilindja, po troket.
