Kryebashkiaku i Bashkisë së Lezhës, Pjerin Ndreu ka reaguar pas deklaratës së kreut të PD-së, Lulzim Basha, i cili i quajti kryebashkiakët e rinj, një bandë kriminelësh dhe hajdutësh të vendosur nga Rama për të vjedhur vendin.
Sipas Bashës, Ndreu është në listën e zezë të partnerëve prej vitit 2003 dhe i larguar nga policia për përfshirje në trafiqe. Ai shtoi më tej se, kryebashkiaku i ri socialist është i kapur në përgjime në dosjen 184 duke urdhëruar shkarkimin e mësuesve që nuk votojnë për PS-në.
Përmes një postimi në Facebook, Ndreu i kthen përgjigje Bashës duke i thënë se nga policia ka ikur me kërkesën e tij dhe jo me shkarkim. Ndreu paralajmëron Bashën me ardhjen e SPAK-ut, se ka shumë zullume për të larë, duke nisur nga vjedhja të rruga e Kombit, te shitja e detit e duke përfunduar te vrasja e 4 të pafajshmëve në Bulevard.
Postimi i plotë:
Per Lulush Bashen…
Une nuk te ndihmoj dot ne theqafjen e pandalshme te jetes tende qe nga spiunimi i UCK, te vjedhja e rruges se kombit me plot 230 milion dollare, te shitja e detit, te vrasja e 4 te pafajshmeve ne bulevard, tek vjedhja e votave qe i bere te ndjerit Olldashi, tek drejtimi idiot i Bashkise se Tiranes apo tek impotenca e dukshme per tu bere lider i opozites ! Por dua te bej me dije se :
-Kam ike nga policia me kerkesen time jo me shkarkim sepse sekuestrova 17 kg droge ne nje linje autobuzi qe interferonte me dike ne pushtet !
– Kam fole ne tel me strukturat e partise sime diten e shtune, dite pushimi, dhe as skam blere e as skam bere pazar me njeri apo terror sic bene detashmentet e tua te mjera ato dite !
Mbi supet e mia dhe te familjes time deri ne 5 brez as nga nena e as nga babai nuk rendon qofte nje element minimal kriminal !
Por ti ngelesh nen mesataret e logjikes e nuk eshte per te marr ne konsiderate. Sic je vete eshte dhe opozita jote me plot lajthitje qe te shkojne. Kam neveri per modele hajdutesh, te paaftesh dhe njerezish te perdorshem si puna jote !
Mbaje veten Lulush se po te vjen SPAK e ti ske shpatulla t’i mbash zullumet
