E martë, 30 Nëntor, 2021
5.5 C
Tirana

“Po priste vëllain te dera e shtëpisë”, dinamika e ekzekutimit të dy vëllezërve në Shkodër

Astrit dhe Brahim Bilali janë dy viktimat e radhës në Shkodër, të ekzekutuar në një atentat në hyrje të shtëpisë së tyre.

Ngjarja e rëndë ndodhi në orët e para të mëngjesit të së shtunës, ku referuar burimeve mësohet se vëllezërit u takuan në portën e banesës dhe sapo u bashkuan, dy persona kanë qëlluar me breshëri automatiku, duke i lënë të vdekur në vend.

“Në datë 30.03.2019, rreth orës 09:45, në lagjen ‘Guerile’, në vendin e quajtur ‘Zooteknika’, nga persona ende të paidentifikuar janë vrarë me armë zjarri shtetasit A. B. 59 vjeç, dhe B. B., 61 vjeç, (vëllezër)”, njoftoi Policia. Skema duket pothuajse e njëjtë me atentatet e tjera në qytetin verior. Autorët qëllojnë me breshëri ndaj objektivit të tyre dhe largohen për të djegur mjetin dhe për të humbur çdo gjurmë.

Menjëherë, në vendin ku u qëlluan dy vëllezërit Bilali, mbërriti dhe një ambulancë e Spitalit Rajonal të Shkodrës, por të gjitha tentativat kanë qenë të kota, sepse ata kishin humbur jetën nga plumbat e marrë. Mësohet se në Polici kanë telefonuar qytetarë, të cilët kanë dëgjuar krismat dhe pas kësaj, vendi i ngjarjes është mbushur me forca të shumta Policie dhe hetues të krimeve. Megjithëse Policia e Shkodrës, së cilës mësohet se i janë bashkuar edhe hetues nga Tirana, ka nisur hetimet intensive, ende nuk ka asnjë autor të dyshuar për vrasjen.

VRASJA

Dëshmi nga vendi i ngjarjes tregojnë se Astrit Bilali ka qenë në një lokal të lagjes, nga ku është ngritur i qetë dhe pa shfaqur shenja nervozizmi, për të takuar te dera e shtëpisë së tij të vëllain, Brahimin. Sapo Astrit Bilali ka mbërritur dhe ka takuar vëllain, dy persona i janë afruar dhe kanë qëlluar me breshëri plumbash në drejtim të tyre, duke i lënë të vdekur në vend.

Dyshohet se në kohën që Brahim Bilali po priste vëllain e tij te dera e shtëpisë, një mjet tip “Mercedes benz” është ndalur aty në afërsi, duke pritur që dy vëllezërit të bëhen bashkë. Sapo vëllezërit Bilali janë takuar me njëri-tjetrin, kanë vërshuar plumbat e automatikut, ndërsa dyshohet se është qëlluar edhe nga një armë tjetër. Policia dyshon se janë dy autorë që kanë qëlluar në drejtim të vëllezërve Bilali, të cilët kanë qenë të maskuar në mënyrë që askush të mos i identifikojë. Menjëherë pas vrasjes, autorët janë larguar me shpejtësi në drejtim të paditur duke humbur kështu gjurmët.

Lexo edhe :   Atentat ish-deputetit dhe ish-kreut të Komunës Velipojë

Në vendin e ngjarjes mbërritën dhjetëra forca Policie, mes së cilëve edhe ato të FNSH, duke nisur menjëherë hetimet dhe kërkimet për autorët e mundshëm. MAKINA Pak minuta pas vrasjes së dyfishtë dhe jo shumë larg nga vend i ngjarjes, Policia konstatoi një makinë tip “Benz”, e cila ishte duke u djegur. Pas lajmërimit të repartit të zjarrfikësve, që bëri të mundur shuarjen e flakëve, hetuesit filluan këqyrjen e mjetit.

Lexo edhe :   Atentat ish-deputetit dhe ish-kreut të Komunës Velipojë

Referuar burimeve, thuhet se mjeti tip “Benz”, me targë AA 369 RV, nuk është djegur plotësisht, duke rritur shpresat se nga këqyrja dhe aktet e ekspertimit do të gjenden të dhëna me rëndësi që do të bëjnë të mundur zbardhjen e ngjarjes. Autoritetet kanë dyshime se targat e kësaj makine janë false dhe ajo mund të jetë e grabitur me qëllim kryerjen e krimit, por kjo mbetet të verifikohet nga hetimet.

Ndërkohë, burime thonë se hetimet parapake për këtë ngjarje janë duke u bazuar në pistën e ndonjë hakmarrje të mundshme, megjithëse vëllezërit Bilali nuk ruheshin dhe silleshin lirshëm në qytet, çka tregon se ata nuk ishin në dijeni të ndonjë kërcënimi të mundshëm. Në pyetje janë duke u marrë familjarë dhe të afërm të viktimave, në lidhje me ndonjë dyshim apo pistë, për të cilën do të hetohet. /panorama

- Reklama -

Më shumë nga kategoria




Të fundit

Variantet e koronavirusit, ja çfarë dimë deri më tani

Omicron, varianti më i ri i koronavirusit, është gjithashtu më i shpejti për t'u etiketuar si "variant shqetësues" nga Organizata Botërore e Shëndetësisë, për...

Bllokimi për variantin Omicron/ Biden: S’ka vend për panik

Presidenti amerikan Joe Biden e ka quajtur variantin Omicron Covid-19 një "shkak shqetësimi, jo shkak për panik", një ditë pasi u zbulua në Amerikën...

Njihuni me këmbimin valutor, 30 nëntor 2021

Në kursin e këmbimit valutor, sot vihet re rritje e dollarit, paundit britanik dhe frangës zvicerane. Ndërsa euro s'ka pësuar ndryshime. Më poshtë do të...

Pandemia i bëri shqiptarët “dembelë”

Pandemia Covid-19 ka shkaktuar nivele të larta të “dembelizmit” në të gjithë vendin. Personat në moshë pune që nuk po kërkojnë një punë u...

Lionel Mesi hyn në histori, fiton “Topin e Artë” nr.7

Lionel Mesi mbetet numri një i futbollit botëror, madje duke thyer rekorde e duke hyrë në histori si fituesi më i madh i kësaj...