Deputeti Ralf Gjoni, ka shprehur ankesat ndaj të gjithë atyre që ndërhynin në fjalën e tij, dhe kjo ka marrë vëmendjen edhe të kryeparlamentarit Ruçi.
Gjoni, teksa ishte duke folur sot në Kuvend për ligjin për partitë politike, është ankuar për zhurmë nga kolegët socialistë. Ai tha se po pret të mbarojnë kolegët, pasi e bezdisin.
Menjëherë ka ndërhyrë kryeparlamentari Ruçi, që ka vendosur gishtin tek Ilir Beqja dhe Arben Ahmetaj. Ruçi menjëherë u ka tërhequr vëmendjen.
Ralf Gjoni: Po pres të mbarojnë, nuk e kuptojmë pse po vijmë, po më bezdisin kur po flasin.
Gramoz Ruçi: Z. Beqaj dhe z. Ahmetaj ju lutem shumë po ju tërheq vëmendjen, mendojeni veten duke folur dhe sikur Ralf Gjoni t’u bëjë zhurmë për juve.
