Deputeti Lefter Maliqi apeloi ndaj ndërkombëtarëve, që të distancohen nga kryeministri Edi Rama. Sipas tij, partnerët më të besueshëm në vend janë presidenti Ilir Meta dhe kryetarja e LSI-së Monika Kryemadhi. Për të, Rama ka kriminalizuar vendin, ndaj duhet shporrur një orë e më parë.
“Ndërkombëtarët duhet të distancohen. Po merr në qafë fatet e vendit. Ka mashtruar, kriminalizuar vendin dhe po e shpopullon vendin. Të nderuar ndërkombëtarë dhe seli diplomatike. Shikoni realitetin si është. Mos i besoni Edi Ramës”.
“Ky kryeministër duhet shporrur një herë e mirë. Ka dëme e mëkate të mëdha ndaj miqve dhe SHBA. Ne duhet të shporrim këtë të keqe të madhe, dhe të çlirojmë elektoratin e PS. Ka shkatërruar reformën elektorale”.
