Ish-deputeti i ndjerë Sokol Olldashi, i cili u nda nga jeta në vitin 2013 si pasojë e një aksidenti fatal, do të festonte sot 47-vjetorin e lindjes.
Mamaja e tij, Kozeta Mamaqi i ka kushtuar një mesazh prekës, duke kujtuar plot mallin të birin. Ne 47-vjetorin e saj, Olldashi i kishin dedikuar asokohe një poezi të ëmës. Ndërsa sot, në këtë ditëlindje, është ajo që përqafon mes lotëve fotografinë e tij.
“Shpirti im… po më mbyt malli… Ti, mes duhanit shkruajte një poezi për 47-vjetorin tim, ndërsa unë, hap krahët e përqafoj mes lotëve. Imazhin tënd në fotografi në të 47-in vit të ditëlindjes tënde… Fati ynë bir…”, shkruan Kozeta Mamaqi.
