Kreu i Grupit Parlamentar të PS-së, Taulant Balla i është përgjigjur deklaratave të kreut të opozitës Lulzim Basha, se bizneset në Shqipëri po mbyllen.
Gjatë fjalës së tij në Kongresin e PS, Balla tha se Basha mjafton të shohë bizneset e hapura të familjarëve të tij që të vërtetojë të kundërtën.
Sipas tij, edhe tregtia me pakicë ka pasur rritje të vazhdueshme, vit pas viti.
“Lulzimi ankohet se bizneset po mbyllen, se bizneset janë nën presionin, i mbyti qeveria. Po si mor Lulzim bizneset po mbyllen apo janë nën presion?!
Mjafton te shohësh bizneset e tua familjare, të kunatit apo vëllait, dhe provohet tërësisht e kundërta.
Rritje me disa herë e xhiros vjetore. Kjo është për ata që thonë, “ku i keni 300 mijë vendet e punës”. Por vendet e punës as kanë gojë të flasin dhe as bëjnë lajm për të dalë në televizor. Edhe tregtia me pakicë, sipas Bankës së Shqipërisë, është rritur vit pas viti”, tha ai.
